家用問題 ︳兄長婚後誕兩兒不搬走 畀$4000家用當媽媽工人 港女斥極品大嫂好食懶做無貢獻

家用問題常引起家人之間糾紛，一名港女發文抱怨，指兄長婚後未有搬走，一家四口仍跟父母同住，每月卻只給予4,000元家用，煮飯、洗衫、湊孫全由母親負責，大嫂亦從不分擔家務，每天放工回家「等食」，視奶奶的付出為理所當然，直斥「極品大嫂」對家庭無貢獻。

同場加映：
管家王 ︳600呎雙層巴士屋有齊廚廁 港男住近20年：日日想快啲返屋企

{{hket:ul-video id="5935"}}{{/hket:ul-video}}

家庭關係 ︳自幼隨父與母少見面，媽媽突借首期買樓，港女拒絕：從未一齊生活過，詳情即睇：【下一頁】

一名女網民日前在「香港討論區」發帖，表示兄長和大嫂育有2名子女，一家四口仍跟父母同住，雖然夫婦倆均有工作，每人月入約1萬多元，但只會由兄長每月給予4,000元家用。

大嫂從不做家務

由於沒有聘請傭人，事主指兄長一家四口的家務，包括煮飯、洗衫均由母親負責，更要幫忙湊孫。她指兄長放工回家後會盡量幫手，但大嫂從不給予家用，也不會分擔家務，批評她對家庭無任何貢獻，

「一家4口包食包住，佢老婆放工返嚟等食，攤喺度或者入房歎冷氣、買『淘寶』，食飯要人叫先出嚟食，如果嗰餐有雞就第一時間夾雞髀，唔靚嗰嚿都唔食，用『極品』真係形容得好啱！成家仲要睇佢面色，阿媽想出吓街好似要同佢申請。」

為母親感辛苦 

事主指兄長也曾抱怨妻子太自私，形容她「平時買個麵包都只會買一個畀自己」。事主認為一家人理應分工合作，為家庭付出，亦不滿兄長僅4,000元家用便要「包佢成家喺度又食又住」，甚至要求母親替妻子晾內衣褲。由於大嫂不懂煮飯、拖地，故母親很多時寧願「自己做埋好過」，事主不禁替母親感到吃力，指責大嫂視母親的付出為理所當然，怒斥：

「點解阿哥會娶件咁嘅嘢......我知阿哥都係冇用，做人新抱嗰個唔係要你受委屈，都唔好咁『老奉』，你對人好，人哋做得辛苦啲，個個月喺積蓄度倒貼你一家都冇所謂，你覺得屈就點解唔搬走？根本就想等老人家百年歸老食埋佢層樓！」

網民：成件事係個悲劇

不少網民看到帖文後，認為一家人同住應互相幫忙，直斥事主大嫂「好唔識做」，亦批評事主兄長欠上進心，指他結婚生子後仍無能力養家，反而要母親做「阿四」。有人認為家家有本難唸的經，指其母親既然沒有怨言，事主就無謂開口引起爭端。

↓ 點 擊 圖 片 放 大 ↓

公屋出身 ︳與父母關係一般寧長住宿舍不回家，公屋港男嘆屋企如無間地獄，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀